2018 Tatoli! Sondajen Opiniaun Públiku

Tatoli! Sondajen Opiniaun Públiku 2018 mak edisaun ba daneen husi sira seluk ne’ebé mak prodús ona husi Fundasaun Ázia iha Timor-Leste. Hori tinan 2013, sondajen ne’e halibur ona hanoin no opiniaun sira husi mane no feto Timoroan sira ne’ebé namkari iha munisípiu sanulu resin-tolu iha nasaun ne’e. Hodi husu pergunta barak ne’ebé repetitivo iha kada sondajen, Fundasaun konsege ona atu kaptura mudansa sira iha persepsaun no prioridades públiku nian hosi tempu ba tempu. Pergunta balun mós aumenta no modifika tiha ona hodi adapta ba nasaun nia kontestu no diresaun ne’ebé mak muda ba beibeik.