Pajina Informativa 2. Konsekuénsia Saúde Husi Violénsia Ne’ebé Parseiru Íntimu Halo Hasoru Feto Sira Iha Timor-Leste
Iha nasaun hotu-hotu, violénsia hasoru feto no labarik-feto sai nu’udar kestaun saúde no direitus umanus. Iha tinan 2015, nu’udar parte husi Programa Nabilan, Fundasaun Ázia halo Estudu Levantamentu Baze kona-ba Saúde no Esperiénsia Moris. Estudu ida-ne’e iha objetivu atu prodús dadus nasionál kona-ba prevalénsia, no konsekuénsia sira husi violénsia hasoru feto ho forma oioin, hodi hasa’e konxiénsia, informa programa no polítika sira, no monitoriza progresu hodi hapara violénsia hasoru feto iha Timor-Leste.
